7 person caught, Php 500,000 recovered in drug busts.

7 TIKLO SA BUY BUST OPERATION, KAPIN 500,000 NGA BALOR SANG ‘SHABU’ NAREKOVER

Dakop ang pito ka mga persona sa gin patigayon nga drug buy bust operation sang gintingob nga pwersa sang Philippine Drug Enforcement Agency kag Pontevedra PNP sa Brgy. Miranda, banwa sang Pontevedra takna alas 5:20 kaina sang hapon.

Sa interview sang Aksyon Radyo-Bacolod, gin pahayag ni Senior Inspector Ryan Salazar, hepe sang Pontevedra PNP, gin kilala ang subject sang operasyon nga si Josel Montalban alyas Jojo, 50 anyos, kag residente sang nasambit nga lugar.

Suno kay Salazar, nga si Jojo ang nalakip sa top 10 sa ila nga drug target list.Narekober sang kapulisan ang isa ka dako kag isa man ka gamay sang gina suspetsuhan shabu, drug paraphernalia kag notebook nga gin alegar naga unod sang listahan sang transaksyon sa iligal nga droga.

Dugang pa ni Salazar, nga gina bulubanta nag dangat sa 500,000 ang balor sang shabu nga ila narekover.

Pasakaan si Jojo sang kaso nga paglapas sang R.A 9165.

Samtang, magapangatubang naman sang kaso nga visiting drug den ang nagkaladakpan nga sanday Joefe Pausa, 26 anyos, Jairo Montalban, 32 anyos, Jetru Montalban, 36 anyos, Felix Pausa 54 anyos, Marlon Rafil, 39 anyos, kag Mitchele Termil 42 anyos.Ditinido ang mga suspetsado sa custodial facility sang Pontevedra PNP.

Photos Courtesy of Pontevedra PNP.

Source: Aksyon Radyo Bacolod