TRICYCLE NAGBALISKAD, 7 ANYOS NGA BATA PATAY, 12 PILASON

TRICYCLE NAGBALISKAD, 7 ANYOS NGA BATA PATAY, 12 PILASON

Patay ang isa ka menor de edad, 12 ka mga estudyante ang pilason sang aksidente nga nagbaliskad ang isa ka tricycle sa Brgy. Gintubhan banwa sang Isabela kaina sang aga.

Dead-on-arrival sa bululngan ang 7 ka tuig nga estudyante nga ginkilala kay Stephanie Ladriño kag residente sang amo nga lugar.

Sa interview sang Aksyon Radyo-Bacolod, ginpahayag ni Chief Inspector Efcel Balibadlan, nga overloading ang tricycle samtang naga byahe ini padulong sa buluthuan.Dugang pa ni Balibadlan, nga magluwas nga overloading, madasig ang pagmaneho sang driver nga gin kilala kay Felix Pasolinao, rason nga nag baliskad ang tricycle sang nag dulog ini.

Gilayon naman nga gindala sa Ignacio Arroyo District Hospital sa amo nga banwa ang 13 ka mga estudyante nga biktima apang gindeklarar nga dead-on-arrival si Ladriño.

Sa karon priso sa detention facility sang Isabela PNP ang driver sang amo nga tricycle.

Photos : Isabela PNP

Source: Aksyon Radyo Bacolod