Top 1 Drug Lord in Bacolod City transferred to Talisay PNP

DRUGLORD GINSAYLO SA TALISAY PNP

Ginsaylo sang Regional Special Operation Task Group (RSOTG) sa Talisay PNP custodial facility ang gin alegar Top 1 druglord sa siudad sang Bacolod kag Negros Occidental nga si Ricky Serenio.

Suno kay PRO 18 Spokesperson Chief Insp. Dianne Grace Catedral , bangud kay didto siya nadakpan sa siudad sang Talisay tinalikdan nga domingo, nagakaangay lang nga didto siya ibutang kag isa pa wala sang Custodial Facility ang RSOTG.

Nagakahangawa si Serenio sang iya seguridad apang nagalaum ini nga wala sang may malain nga matabo sa iya.

Samtang, ginklaro ni Serenio nga wala pa siya sang napirmahan nga affidavit tungod ginahikutar pa sang iya abogado.

Apang ginpasiguro sini, nga magwa subong nga adlaw ang mga ngalan sang personalidad nga gin alegar protector sang Berya Group.

Photos:

Source: Aksyon Radyo Bacolod