REKLAMO SA REGIONAL HOSPITAL UPDATE.

Nagpadangat na sang reklamo sa National Bureau of Investigation ang amay sang babayi nga napatay upod ang kapid niya nga lapsag matapos gindala sa Corazon Locsin Montelibano Memorial Regional Hospital.

Suno kay Jose Cesar Penario sang Brgy. Mansilingan, Bacolod City, indi siya luyag nga matabo man sa iban ang natabo sa iya anak nga si Mary Joy Geronca upod ang kapid nga mga lalaki.

Nagalaom naman ang NBI nga mangin cooperative ang CLMMRH sa ila imbestigasyon.

Suno pa kay Penario, desidido siya nga magpadangat sang reklamo sa Office of the President agud mahatagan sang leksyon ang mga doktor kag nurses nga nag-atender sa iya anak.

Si Mary Joy ang gindala sa CLMMRH sang Enero 16 sang hapon bangud nabudlayan magginhawa apang napatay sang Enero 17 sang aga upod ang duha ka mga lapsag bangud sa ginaalegar kulang nga atensyon medikal nga ginhatag sang mga medical staff.

Wala ini ginpaidalom sa Ceasarean Section kundi ginpagwa nalang sang embalsamador ang duha ka lapsag.

Photos: