Byron Bacaro found dead was to be witness in JDS Robbery

BYRON BACARO, WITNESS SA JDS ROBBERY, PATAY NA

Patay na si Byron Bacaro, witness sa kaso nga robbery/hold up sa JDS Mindoro Enterprises nga nahamtang dalan Locsin, siudad sang Bacolod kag natabo sadtong Disyembre 25, 2016.

Si Bacaro ang gintiro sang wala makilal-an nga suspetsado mga alas 8 kagab i sa Hda. Carmen, Brgy. Granada siudad sg Bacolod. Suno kay Police Station 5 Investigator PO1 Bernel Tan, si Bacaro nag agum sg apat ka patal nga igo sg bala sa ulo gamit ang cal. 45 pistol. Narecover ang cellphone sg biktima pero wala na ang SIM card sini.Si Bacaro natalana magpainterview sa Aksyon Radyo takna alas 8 sini nga aga apang wala na natigayon bangud sang iya kamatayon.Sa nahibaluan, si Bacaro ang saksi nga nagtudlo sa isa ka aktibo sa serbisyo nga policeman kag isa ka anay police officer nga amo ang naghold up sa JDS nga gintunaan sang kamatayon sang intsik nga anak sang tag-iya kag sang security guard sang amo nga balaligyaan sadtong Adlaw sang Paskwa.


Una gin report nga unidentified ang biktima, apang mismo ang tiya ni Bacaro nga si Marilou Peruelo, ang nag kumpirmar sa Aksyon Radyo sini nga aga nga ang kontrobersyal nga witness amo ang napatay.

Photos:

Source: Aksyon Radyo Bacolod