MAG LIVE-IN PARTNERS DAKOP SA DRUG BUST OPERATION

MAG LIVE-IN PARTNERS DAKOP SA DRUG BUST OPERATION

Arestado ang mag live-in partner sa gin patigayon nga buy bust operation sang City Anti Illegal Drugs Operations Task Group (CAIDSOTG) sa Purok Sigay, Brgy. 2 syudad sang Bacolod takna las 5 kaina sang hapon.

Sa interview sang Aksyon Radyo-Bacolod, gin pahayag ni Senior Inspector Rammel Bustamante, pamuno sang CAIDSOTG, nga gin kilala ang subject sang operasyon nga si Mirabu Sanchez, 24 anyos.

Suno kay Bustamante, nga nakabaton sila sang impormasyon nga nagabaligya si Sanchez sang droga kag 10 ka adlaw nila nga gin monitor ini antes gin patigayon ang operasyon
Na arestar man sang otoridad ang live-in partner ni Sanchez nga si Candy Cristales, 23 anyos, nga nag sungka sa Oplan Tokhang sadtong bulan sang Hulyo nagligad nga tuig sa Police Station 2.

Narekover sang otoridad sa amo nga operasyon ang isa ka bulto, isa ka elongated sachet sang gina patihan shabu, ang buy bust item kag ang 200 pesos nga nag serbe nga marked money.

Magapangatubang ang mga suspetsado sang kaso nga pag bayolar sang R.A 9165 kag nahunong sa karon sa Police Station 2.

Photos:

Source: Aksyon Radyo Bacolod